قازاقستان رەسپۋبليكاسى توتەنشە جاعدايلار مينيسترلىگىنىڭ بۇيرىعى  № 260

2014 جىلعى 29 مامىر,  استانا قالاسى ازاماتتىق قورعاۋ قۇرالدارىنا قاجەتتىلىكتى  ايقىنداۋ جونىندەگى نۇسقاۋلىقتى بەكىتۋ تۋرالى «ازاماتتىق قورعاۋ تۋرالى» قازاقستان رەسپۋبليكاسىنىڭ 2014 جىلعى 11 ساۋىردەگى زاڭىنىڭ 12-بابى 1-تارماعىنىڭ 30) تارماقشاسىنا سايكەس بۇيىرامىن: 1. قوسا بەرىلىپ وتىرعان ازاماتتىق قورعاۋ قۇرالدارىنا قاجەتتىلىكتى ايقىنداۋ جونىندەگى نۇسقاۋلىق بەكىتىلسىن. 2. «ازاماتتىق قورعانىس مۇددەسىندە قورعانۋ قۇرالدارىنداعى قاجەتتىلىكتى ايقىنداۋ تۋرالى نۇسقاۋلىقتى بەكىتۋ تۋرالى» قازاقستان رەسپۋبليكاسى توتەنشە جاعدايلار ءمينيسترىنىڭ 2009 جىلعى 29 جەلتوقسانداعى №313 بۇيرىعىنىڭ (نورماتيۆتىك-قۇقىقتىق اكتىلەردى تىركەۋدىڭ مەملەكەتتىك تىزىلىمىندە № 6022 تىركەلگەن جانە 2010 جىلعى 12 ناۋرىزداعى «يۋريديچەسكايا گازەتا» № 37 (1833), 2010 جىلعى 12 ناۋرىزداعى «زاڭ گازەتى» № 37 (1659) گازەتتەرىندە جاريالانعان) كۇشى جويىلدى دەپ تانىلسىن. 3. قازاقستان رەسپۋبليكاسى توتەنشە جاعدايلار مينيسترلىگىنىڭ ازاماتتىق قورعانىس دەپارتامەنتى وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن جانە ونىڭ رەسمي جاريالانۋىن قامتاماسىز ەتسىن. 4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ توتەنشە جاعدايلار ۆيتسە-ءمينيسترى ۆ.ۆ. پەتروۆقا جۇكتەلسىن. 5. وسى بۇيرىق العاش رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. مينيستر ۆ.بوجكو. قازاقستان رەسپۋبليكاسى توتەنشە جاعدايلار ءمينيسترىنىڭ 2014 جىلعى 29 مامىرداعى №260 بۇيرىعىمەن بەكىتىلگەن ازاماتتىق قورعاۋ قۇرالدارىنا قاجەتتىلىكتى ايقىنداۋ جونىندەگى نۇسقاۋلىق 1. وسى ازاماتتىق قورعاۋ قۇرالدارىنا قاجەتتىلىكتى ايقىنداۋ جونىندەگى نۇسقاۋلىق (بۇدان ءارى – نۇسقاۋلىق) «ازاماتتىق قورعاۋ تۋرالى» قازاقستان رەسپۋبليكاسىنىڭ 2014 جىلعى 11 ساۋىردەگى №188-V زاڭىنا سايكەس ازىرلەندى جانە قازاقستان رەسپۋبليكاسىنىڭ حالقىن قورعاۋدى قامتاماسىز ەتۋ ءۇشىن ازاماتتىق قورعاۋ قۇرالدارىن جيناقتاۋداعى قاجەتتىلىكتى ايقىندايدى. 2. وسى نۇسقاۋلىقتا مىناداي نەگىزگى ۇعىمدار پايدالانىلادى: ازاماتتىق قورعاۋ قۇرالدارى – جەكە قورعانۋ قۇرالدارى, قوسىمشا پاتروندار, مەديتسينالىق جەكە قورعانۋ قۇرالدارى, رادياتسيالىق جانە حيميالىق بارلاۋ, دوزيمەتريالىق باقىلاۋ اسپاپتارى وزىنە كىرىستىرەتىڭ حالىقتى قورعاۋ جانە ازاماتتىق قورعاۋ كۇشتەرىن جاراقتاندىرۋ ءۇشىن قولدانىلاتىن ماتەريالدىق-تەحنيكالىق م ۇلىك; جەكە قورعانۋ قۇرالدارى – زياندى جانە (نەمەسە) قاۋىپتى فاكتورلاردىڭ اسەرىن بولدىرماۋ نەمەسە ازايتۋ, سونداي-اق لاستانۋدان قورعاۋ ءۇشىن ادامنىڭ كيەتىن جەكە پايدالانۋ قۇرالدارى; قوسىمشا پاتروندار – ىشىندە ىسكە قوسىلعان كەزدە وتتەگىن ءبولىپ, كومىرتەگىنىڭ قوس توتىعى مەن سۋ بۋىن جۇتاتىن حيميالىق زاتتارى بار تىنىس الۋ مۇشەلەرىن جەكە قورعاۋ قۇرالدارىنىڭ جيىنتىق بۇيىمدارى; مەديتسينالىق جەكە قورعانۋ قۇرالدارى – بۇل زاقىمداۋدىڭ الدىن الۋ نەمەسە زاقىمداۋ فاكتورلارىنىڭ اسەرى سالدارىن ازايتۋ جانە اسقىنداۋىنىڭ الدىن الۋ ماقساتىندا توتەنشە جاعدايلاردا قولدانۋعا ارنالعان مەديتسينالىق پرەپاراتتار, ماتەريالدار مەن ارنايى قۇرالدار; رادياتسيالىق جانە حيميالىق بارلاۋ, دوزيمەتريالىق باقىلاۋ اسپاپتارى – رادياتسيا دەڭگەيىن جانە جەردى, قۇرىلىستاردى, جابدىقتى, كولىك پەن باسقا دا وبەكتىلەردى ۋلاعىش جانە كۇشتى اسەر ەتەتىن ۋلى زاتتارمەن زاقىمداۋ دارەجەسىن انىقتاۋعا ارنالعان اسپاپتار. 3. جەكە قورعانۋ قۇرالدارىن جيناقتاۋ بەيبىت جانە سوعىس ۋاقىتىندا قورعالۋىن قامتاماسىز ەتۋ ءۇشىن: ىقتيمال رادياتسيالىق, حيميالىق, باكتەريولوگيالىق (بيولوگيالىق) لاستانۋى (زاقىمداۋ) ايماقتارىنىڭ شەكارالارىنداعى اۋماقتاردا تۇراتىن جانە جۇمىس ىستەيتىن حالىق ءۇشىن - جەكە قورعانۋ قۇرالدارى ولاردىڭ جالپى سانىنان 100%, ونىڭ ىشىندە بالالار ءۇشىن - 35% ەسەبىمەن جۇزەگە اسىرىلادى. 4. جەكە قورعانۋ قۇرالدارى زاپاسىنىڭ تالاپ ەتىلەتىن سانى ءدال ولشەمدى جانە اقاۋلىقتارى بار گازقاعارلاردى الماستىرۋدى قامتاماسىز ەتۋ ءۇشىن قاجەتتىلىكتەن 5%-عا ۇلعايتىلادى. 5. حالىقتى قورعاۋدى قامتاماسىز ەتۋ ءۇشىن زاپاستاردا: ولاردىڭ جالپى سانىنان 100% ەسەبىمەن مەديتسينالىق جەكە قورعانۋ قۇرالدارىن; حالىقتىڭ جالپى سانىنان 40% ەسەبىمەن كۇشتى اسەر ەتەتىن ۋلى زاتتاردان قورعانۋ ءۇشىن جەكە قورعانۋ قۇرالدارىنا قوسىمشا پاترونداردى; رادياتسيالىق جانە حيميالىق بارلاۋ, رادياتسيالىق جانە حيميالىق بارلاۋدىڭ ءاربىر تەرريتوريالىق قۇرالىمىنا رادياتسيالىق جانە حيميالىق مونيتورينگىلەۋدىڭ ارقايسىسىنا ءبىر-بىردەن ەسەبىمەن دوزيمەتريالىق باقىلاۋ اسپاپتارىن جيناقتاۋ جۇزەگە اسىرىلادى. 6. قورعاۋ قۇرالدارىنىڭ قاجەتتى سانىن ەسەپتەۋ كەزىندە ەكى جانە ودان دا كوپ رادياتسيالىق, حيميالىق نەمەسە باكتەريولوگيالىق (بيولوگيالىق) زاقىمداۋ اۋداندارى ءبىر-بىرىمەن قاباتتاسقاندا, ەسەپتەۋگە ەڭ جوعارى زاقىمدالعان اۋدان الىنادى. 7. ازاماتتىق قورعاۋ قۇرىلىمدارىنىڭ ءاربىر مۇشەسى جەكە قورعانۋ قۇرالدارىمەن قامتاماسىز ەتىلەدى. 8. زاپاستا تۇرعان ازاماتتىق قورعاۋ قۇرالدارى, كۇندەلىكتى قىزمەتتە پايدالانىلاتىن ماتەريالدىق-تەحنيكالىق قۇرالدار ازىرلەۋشى زاۋىت كورسەتكەن ساقتاۋ جانە پايدالانۋدىڭ شەكتى مەرزىمى وتكەننەن كەيىن, سونداي-اق مەملەكەتتىك ستاندارتتاردا نەمەسە تەحنيكالىق شارتتاردا بەلگىلەنگەن نورماتيۆتىك كورسەتكىشتەردەن اۋىتقۋى انىقتالعان كەزدە جاڭارتۋعا جاتادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2014 جىلعى 1 شىلدەدە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №9552 بولىپ ەنگىزىلدى.